9 снежня ўвазе вучняў 5-11 класаў была прапанавана літаратурна-музычная кампазіцыя "Дзіўная зорка Максіма Багдановіча", прысвечаная 130-годдзю з дня нараджэння паэта. Падчас мерапрыемства вучні яшчэ раз успомнілі важныя этапы жыцця і творчасці славутага песняра, прачыталі на памяць вершы паэта. Прагучалі ў гэты дзень і песні, напісаныя на словы М. Багдановіча. Рабяты праглядзелі відэафільм, дакрануліся да вытокаў таленту класіка айчынная літаратуры. Пражыўшы ўсяго 25 гадоў, М.Багдановіч пакінуў нашчадкам багатую паэтычную спадчыну, якую мы, безумоўна, павінны ведаць, любіць і цаніць.

Напрыканцы мерапрыемства рабяты выказалі падзяку арганізатарам - настаўніцы беларускай мовы і літаратуры Лузяніной Л.М. і вучням 11 класа.